Annwyl D.J. - Llythyrau D.J., Saunders, a Kate

Yn y gyfrol hon fe gyhoeddir am y tro cyntaf ddetholiad o'r ohebiaeth rhwng tri o brif lenorion Cymru - Saunders, Kate a D.J. Cynhaliwyd yr ohebiaeth rhyngddynt am hanner canrif. Yn y cyfnod yma bu'r tri yn arwain datblygiadau gwleidyddol yng Nghymru ac yn ysgrifennu rhai o gampweithiau gwychaf y Gymraeg. Ceir yma gyfoeth o ysgrifennu gonest, diddan a dadleuol, a chyfle am y tro cyntaf i werthfawrogi ffraethineb llythyrau D.J. Williams ei hun, a'r meddyliau tu ol i'r "wen na phyla amser".