Barah Aana Sher Chaar Aana Masnavi

 

Yeh gullak hai mere tajurbe ka 

Mere khayal chhape hai kuch asharfiyon  par 

aur chand sikkon par khwahishen hai chidki hui

Woh dher saare pal jinmein hum izhar-e-ishq kar na paye 

Unke  ittr ki khushbu kuch par hai bikhri  hui 

Kuch par shikayat aur kuch par mafiname 

Kuch par shararat aur kuch par paimane

Kuch par wade milenge kayi, jo kiye toh the par hum nibha na paye 

Kuch par milenge aahein anginat, jo nikli toh thi dil se par dum nikal na paye 

Tumhare hi liye, ucchal diye hai befikri se

Saare mohre maine hawaon mein, 

Jo tumhare hisse lage, unhe rakh lena 

Jo mere hisse ayenge, unhe fir piro dunga apni yaadon mein 

Cover Credit: Khushi Jain