Eisteddfodau Geoff Charles - Cyfanfyd y Cymro o Fewn Un Cae

Er na chafodd geoff Charles ei fagu yn y "pethe", ni fu neb mor drylwyr yn rhoi bywyd eisteddfodau Cymru ar gof a chadw. Teithiodd i gannoedd o eisteddfodau bach a mawr tra'n gweithio i'r Cymro. Cadwodd fathodynnau "y Wasg" o bob Eisteddfod Genedlaethol ers 1938, ac fe gafodd ei anrhydeddu fel aelod o'r Orsedd am wasanaeth oes i'r Brifwyl. Yn y gyfrol hon detholwyd trawstoriad o luniau, o'r eisteddfodau lleol, yr Urdd a'r Genedlaethol, gan gwmpasu hanner canrif o gyffro'r bywyd diwylliannol Cymreig.