Hindi lahat ng may libro, matalino

Bata pa lang ako nakakitaan na ako ng talino ng mga teacher at magulang ko.

Iyon sana ang nais kong iparating sa librong ito pero baka magduda ka dahil sa mga susunod mong mababasa. Ang bigkas ko pa nga noon sa debt ay (deBt). Sa totoo lang, nakakahiya ang mga panahong nag-aaral pa lamang ako. Mabuti na lamang ang maging isang manunulat ay hindi nasusukat sa kung gaano ka kagaling sa eskwela at kung gaano mo kakabisado ang subject-verb agreement. Dahil kung iyon ang naging basehan, paniguradong hindi mo hawak ang librong ito, ngayon.

Dito sa Hindi lahat ng may libro, Matalino, ituturo ko sa iyo kung ano ang isang bagay na dapat mong taglay kung pangarap mo ring maging isang manunulat.