Humihingi Ako ng Paumanhin Kung sa Araw na Ito ay Masasaktan Kita

Ang librong ito ay tungkol sa iba't ibang karanasan ng mga pusong wasak. Mga alaalang itinapon ng kanilang mga minahal. Na sa ilalim ng mga tala sa banayad na gabi, marahan pa rin itong sumasagi sa isip at ayaw kumawala.

Kaya bago mo subukang buklatin ang bawat pahina, dapat siguraduhin mo munang humilom na ang sugat na sumasakop sa iyong puso. Baka hindi ka na tuluyang makausad kung hahayaan mo ang iyong sariling masaktan ulit sa tinik ng bawat salita nito.