Meini Meirionnydd

Miloedd o flynyddoedd cyn pyramidiau'r Aifft cododd yr hen bobl feini hirion, cromlechi, siambrau claddu a chylchoedd cerrig ar hyd Ynysoedd Prydain. Erys nifer helaeth o'r cerrig hyn ar hyd ucheldir Cymru ac ym Meirionnydd mae casgliad sylweddol i'w weld ar hyd yr arfordir, yn etifeddiaeth i ni, y Cymry. Disgrifia'r llyfr hwn y meini hynny sydd o fewn ffiniau yr hen Sir Feirionnydd. Rhennir gwybodaeth drwyadl David Glyn Lewis a Huw Dylan Owen am y meini cynoeol yn y gyfrol hon, ac mi fydd o ddiddordeb i unrhyw un sy'n ymddiddori yn hanes a diwylliant Cymru.