Sintaksis

Hozirgi kunda ta'lim tizimida o`rta maxsus ta'lim bo`g`inini yangi, zamonaviy o`quv adabiyotlari bilan ta'minlash masalasi dolzarb hisoblanadi. Ayniqsa, mazkur bo`g`inda o`qitiladigan ona tili ta'limi maqsadi va mazmuni aks etgan yangi o`quv adabiyotlarini yaratish davr talabidir. "Sintaksis" nomli o`quv-usuliy qo`llanma shu talabga muvofiq yaratilgan, desak, yanglishmaymiz. Zero, qo`llanma maktab oqituvchilari va oquvchilari, akademik litsey talabalari hamda abituriyentlar uchun mo`ljallangan bo`lib, unda "Ona tili" fanining yakunlovchi bosqichi "Sintaksis" bo`limida o`rganiladigan nazariy masalalar tahlili va ularning amaliy tatbiqi bo`yicha mashqlar, savol va test topshiriqlari berilgan.